Untold (2025) mmsub

လက်ရှိအနေအထားမှာ အောင်မြင်နေတဲ့သူတွေ၊ သူ့နေရာ သူ့နယ်ပယ်မှာ ထိပ်တန်းရောက်နေတဲ့သူတွေဟာ အများရဲ့လေးစားအားကျမှုကိုခံရသလို ဒီနေရာကို အလကားရောက်လာတာမဟုတ်ဘူး၊ သူတို့မှာ ရင်းနှီးပေးဆပ်မှုတွေ ရှိခဲ့လိမ့်မယ်ဆိုတာတော့ အများသိကြပါလိမ့်မယ်။ ဒါပေမယ့် သူတို့ပေးဆပ်ခဲ့ရတာက အချိန်လား.. ကြိုးစားအားထုတ်မှုလား.. ငွေကြေးလား.. ဒါမှမဟုတ် တစ်ပါးသူတွေရဲ့ မျက်ရည်တွေများဖြစ်နိုင်မလား.. ဗီဗီယန်ဆိုတာ ”Untold” ဆိုတဲ့ နာမည်ကျော်ဖြစ်ရပ်မှန် မှတ်တမ်းအစီအစဉ်ရဲ့ တင်ဆက်သူဖြစ်ပါတယ်။ သူ့ရဲ့အောင်မြင်မှုအရဆုံးကတော့ (ဘိလပ်မြေလူသတ်ပွဲ) ဆိုတဲ့ ရင်နာစရာဖြစ်ရပ်တစ်ခုဖြစ်ခဲ့ပြီး အဲ့ဒီဖော်ထုတ်မှုနဲ့အတူ သူထောင်ထဲကိုထည့်ခဲ့တဲ့ အန်နက်စတိုဆိုတဲ့လူတစ်ယောက် ထောင်ဒဏ်ကိုသုံးနှစ်ပဲကျခံရပြီး အပြင်လောကကို ပြန်ရောက်လာချိန်မှာ သူကိုယ်တိုင်မေ့လျော့ထားချင်ခဲ့တဲ့ အတိတ်နဲ့ တစ်ဖန်ပြန်ရင်ဆိုင်ရဖို့ဖြစ်လာသလို၊ သူမက်နေကျဖြစ်တဲ့ အိမ်မက်ဆိုးတွေဟာ ပိုပြီးလက်တွေ့ကျ နီးစပ်လာပြီး သူ့ပတ်ဝန်းကျင်က အမှုနဲ့ပတ်သက်သူတွေကိုပါ အမှန်တကယ် ဒုက္ခပေးလာပါတော့တယ်။ ဇာတ်လမ်းရဲ့လှည့်ကွက်တွေ၊ တင်ဆက်ပုံတွေတင်မက သရုပ်ဆောင်တွေကပါ ဇာတ်လမ်းကို အမှန်တကယ်သယ်ဆောင်နိုင်သလို ဖန်တီးထားတဲ့ တစ္ဆေတွေရဲ့သဏ္ဍာန်တွေကလည်း အသည်းယားစရာ ရင်ထိတ်စရာကောင်းပြီးခြောက်ခြားစရာပါ..