Coach Carter (2005) mmsub

ရစ်မန်း အထက်တန်းကျောင်းက ဘတ်စကက်ဘောအသင်းအကြောင်း ရိုက်ကူးထားတာဖြစ်ပါတယ်။ သူတို့အသင်းက တစ်ရာသီလုံး လေးပွဲပဲနိုင်ပြီး အသင်းသားတွေကလည်း တစ်ယောက်နဲ့ တစ်ယောက် အဆင်မပြေ၊ မကြာခဏစကားများကြပါတယ်။ အဲဒီလိုဖြစ်နေတဲ့ အသင်းကိုမှ ပြုပြင်ပြောင်းလဲပေးမယ့် နည်းပြကတော့ နည်းပြ ကာတာ ပဲဖြစ်ပါတယ်။ အရင်နည်းပြက အနားယူတော့မှာ ဖြစ်တဲ့အတွက် ကာတာဟာ ကမ်းလှမ်းခံခဲ့ရတာဖြစ်ပါတယ်။ ဒီကျောင်းဟာ သူတက်ခဲ့တဲ့ကျောင်း ဖြစ်နေတာကြောင့်လည်း နည်းပြလုပ်ဖို့ လက်ခံလိုက်တာဖြစ်ပါတယ်။ ရှုံးပွဲတွေနဲ့ပဲ အသားကျနေတဲ့ ရစ်မန်းအထက်တန်းကျောင်း ဘတ်စကစ်ဘောအသင်းကို လေ့ကျင့်ပေးဖို့အတွက် ကာတာ မှာ စဉ်းစားထားတာတွေရှိပါတယ်။ ကစားသမားတိုင်းကို စာချုပ်တစ်ခုစီပေးလိုက်ပြီး လက်မှတ်ထိုးတဲ့သူတွေကို သူခိုင်းတဲ့အတိုင်းသာ ဆော့မယ်ဆိုရင် သူ့အသင်းမှာ ပါနိုင်မှာဖြစ်ပြီး သူတို့အသင်း အနိုင်ရစေရမယ်ဆိုပြီး ‌ပြောပါတယ်။ အရင်ကတည်းက ဂျစ်ကန်ကန်နေလာတဲ့ ကျောင်းသားတွေမလို့ သူခိုင်းတဲ့အတိုင်း လိုက်နာဖို့ဆိုတာက နည်းပြ ကာတာ အနေနဲ့ တော်တော်လေး ကြိုးစားယူရပါတယ်။ ကာတာ ရဲ့ လေ့ကျင့်ပေးမှုတွေကလည်း တော်တော်လေး ပြင်းထန်တာကြောင့် ကစားသမားတွေလည်း လေ့ကျင့်ပြီးတာနဲ့ လှုပ်တောင်မလှုပ်နိုင်ကြတော့ပါဘူး။ ဒါပေမဲ့ သူရဲ့ နည်းပြပေးမှုတွေ လေ့ကျင့်ပေးမှုတွေကြောင့် ရာသီအစ ပထမ ပွဲမှာတင် သိသိသာသာ ကောင်းလာခဲ့ပါတယ်။ ဒီလိုနဲ့နောက်ပိုင်း နည်းပြကြီး ကာတာ နှင့် သူ့အသင်းသားတွေ တသားတည်းဖြစ်လာကြပြီး နိုင်ပွဲဆက်ရင်း အရှုံးမရှိ အသင်းတစ်သင်းအဖြစ် နာမည်ကြီးလာခဲ့ပါတယ်။ သူတို့အသင်းကို သတင်းဌာနတွေက စိတ်၀င်စားလာကြတဲ့အပြင် ရစ်မန်းမြို့က ပြည်သူတွေကပါ အားပေးလာကြပါတယ်။ အဲဒီအချိန်မှာပဲ နည်းပြကာတာ က လူတွေမထင်ထားတဲ့ အရာတစ်ခု လုပ်လိုက်တဲ့အခါ..