Heo’s Diner (2025): 1x6

Episode 6

အကြောင်းကိစ္စ တော်တော်များများကို စည်းတွေဘောင်တွေနဲ့ တားမြစ်ပိတ်ပင်ထားတတ်ပြီး လူ့အဆင့်အတန်း ခွဲခြားမှုတွေလည်း ရှိနေပြန်တဲ့ ဂျိုဆွန်းခေတ်မှာ အရာရာကို လွတ်လပ်တဲ့ အတွေးအမြင်တွေနဲ့ တွေးခေါ်တတ်ပြီး အဆင့်အတန်းခွဲခြားမှုမရှိဘဲ လူတိုင်းတန်းတူညီမျှနေထိုင်နိုင်မဲ့ လူ့အသိုင်းအဝိုင်းတစ်ခုကို ထူထောင်ချင်တဲ့ အိပ်မက်ပိုင်ရှင် “ဟောဂယွန်း” ဟာဆိုရင် ဂျိုဆွန်းပြည်ရဲ့ ပြဿနာအိုးလေး ဖြစ်လို့နေပါတော့တယ်။ ဂျိုဆွန်းခေတ်ရဲ့ ပထမဆုံး အစားအသောက်ကဏ္ဍ ပင်တိုင်ဆောင်းပါးရှင် တစ်ယောက်ဆိုရင်လည်း မမှားဘူးပေါ့။ တစ်နေ့မှာတော့ သူ့ရဲ့သူမတူတဲ့ စိတ်ကူးစိတ်သန်းတွေကြောင့်ပဲ မလိုသူတချို့ရဲ့ လုပ်ကြံသတ်ဖြတ်မှုကို ခံရဖို့ ဖြစ်လာရာကနေ အနာဂတ်ကို နှစ်ပေါင်း ၄၀၀ စာ အချိန်ခရီးသွားမိသွားပြီး ၂၀၂၄ ခုနှစ်ရဲ့ ဆိုးလ်မြို့ပေါ်ကို ရောက်လာပါတော့တယ်။ ဒီလိုနဲ့ စားသောက်ဆိုင်ရှေ့မှာ ဆာလောင်ငတ်မွတ်နေရှာတဲ့ အချိန်ခရီးသွားလေး “ဟောဂယွန်း” ကို စားသောက်ဆိုင်ပိုင်ရှင် “ဘုံးအွန်းရှီ” ရဲ့ အမေ နဲ့ “ဘုံးအွန်းရှီ” တို့က ကူညီကယ်တင်ထားလိုက်ရာကနေ “ဘုံးအွန်းရှီ” နဲ့အတူတူ သူ့အမေရဲ့ စားသောက်ဆိုင်ကို ဦးစီးဖို့ဖြစ်လာပါတော့တယ်။ အချိန်သစ် နေရာသစ်မှာ “ဟောဂယွန်း” တစ်ယောက် အလွယ်တကူအသားကျနိုင်ပါ့မလား.. သူ့ကိုသတ်ဖို့ ကြိုးစားခဲ့တဲ့သူတွေကရော ဘယ်သူတွေဖြစ်မလဲ.. မမျှော်လင့်ထားတဲ့ ဘယ်လိုအလွဲတွေဖန်တီးပြီး ခွီရဦးမလဲဆိုတာ..